Klubi i pingpongut Priping është njëra nga 4 ekipet kosovare që do të garojnë në Ligën e Përbashkët Kosovë Shqipëri, e cila do të mbahet këtë vikend më 10 dhe 11 dhjetor në Gjimnazin “Bedri Pejani” në Pejë.
Federata e Pingpongut e Kosovës dhe Federata Shqiptare e Pingpongut do të organizojnë ndeshjet e fazës së parë të ligës së përbashkët në pingpong Kosovë – Shqipëri ku do të ndeshen katër ekipet më të mira nga Kosova dhe katër ekipet më të mira nga Shqipëria për edicionin 2022-23 në konkurrencën e seniorëve meshkuj dhe femra.
Të shtunën me 10 dhjetor duke filluar nga ora 15:30 do të bëhet ceremonia e hapjes dhe nga ora 16:00 do të fillojnë ndëshjet e para ku priten mjaftë ndeshje interesante.
